ТЖМ мәліметінше, Қарағанды облысының Осакаров ауданында автожолдың жабық учаскесінде ақаулыққа байланысты жеңіл автокөліктің жүргізушісі жолды жалғастыра алмай, құтқарушылардан көмек сұрады. Көлік салонында екі ересек және бір бала болды.
"Трэкол" жол талғамайтын көлікпен құтқарушылар қар үйінділерімен өтіп, жолаушыларды жақын елді мекенге жеткізді. Медициналық көмекке отбасы мұқтаж болған жоқ",- делінген ақпаратта.
ТЖМ дауылды ескертулерді назарға алып, ауа райы нашарлаған жағдайда елді мекеннен тыс жерлерге шықпауға кеңес береді.
Бұған дейін 2025 жылғы 10 наурыз сағат 15:40 жағдай бойынша 6 облыстағы 11 республикалық маңызы бар автомобиль жолдарында көлік қозғалысына шектеу қойылғандығы хабарланды.