Қызылорда облысында заңсыз аң аулаған екі күдікті ұсталды

25 наурыз күні сағат 18:25 шамасында Қазалы ауданында Қазалы аудандық полиция бөлімінің табиғатты қорғау инспекторы Төлебаев және Қызылорда облысы ПД жергілікті полиция қызметі басқармасының рота қызметкерлерімен бірлесіп рейдттік жұмыстар жүргізу барысында Урал мото көлігін тоқтатты.

Мото көлікті тексеру кезінде екі аңшы мылтығы және 14 бас далалық үйрек табылды.

Барлық заттай дәлелдеме тәркіленді.

Осы дерек бойынша ҚР ӘҚБтК-нің 382-бабының 1-бөлігімен әкімшілік іс қозғалды.

Сараптамалар тағайындалды.