Сауда-саттықтың қорытындысы бойынша доллардың орташа сараланған бағамы 0,16 теңгеге төмендеп, 503,05 теңге болды.
Ресей рублінің орташа сараланған бағамы 5,95 теңге (+0,02) болды.
Таңғы сауданың қорытындысы бойынша юань бағамы 69,11 теңгеге (-0,12) түсті.
Ақша айырбастау орындарында доллар 501,3-503,9 теңге, еуро 542,5-546,5 теңге, рубль 5,79-5,93 теңге аралығында сатылуда.
2 сәуірдегі сауда барысында мұнайдың әлемдік бағасы әртүрлі бағытта өзгерді. Осылайша, Лондонның ICE (InterContinental Exchange Futures) биржасында Brent маркалы мұнай баррелінің бағасы 0,01 долларға арзандап, 74,48 долларды құрады.
Нью-Йорк тауар биржасында (NYMEX) Light маркалы мұнайдың бір баррелінің бағасы 0,03 долларға қымбаттап, 71,23 долларды құрады.
Таңертең Ұлттық банк доллар бағамын 503,15 теңге, еуроны 543,3 теңге, рубльді 5,93 теңге деп белгіледі.