1985 жылы туған ер адамның жоғалғаны туралы хабарлама Ақтөбе облысының 112 кезекші пультіне 30 наурызда түсті. Ол Әйтеке би ауданының Жаңадәуір қыстағынан мал іздеуге кетіп, оралмаған.
Ақтөбелік құтқарушылар Қостанай облысының шекара маңындағы ауданынан әріптестеріне көмек сұрады. Қостанай құтқарушылары бірлесіп Қамысты ауданы Оркаш ауылының маңынан жоғалған адамды тапты.
Құтқарушылардың жедел әрекеттерінің арқасында ер адам аман-есен табылды. Оны Ақтөбе облысына жеткізді.