Батыс Қазақстан полиция департаменті 28 наурыз күні кешке бейтаныс біреулер сауда үйлерінің біріндегі банк терминалынан 680 мың теңге ұрлап кеткенін хабарлады. Бұл ақша 53 жастағы жергілікті тұрғынға тиесілі болған. Ол ақшаны терминалға салып, операция аяқталды деп ойлап, кетіп қалған. Алайда дәл осы сәтте техникалық ақау болып, күдіктілер осы сәтті пайдаланған.
"Полиция қызметкерлері ақшаны өзара бөлісіп алған үш күдіктіні ұстады. Ұсталғандардың бірі бұрын сотталған", - деп атап өтті полиция.
Аталған факті бойынша сотқа дейінгі тергеу амалдары жүргізіліп жатыр.