"Қызылорда-Павлодар" жолының 1153-шақырымында келе жатқан Chevrolet Cobalt көлігінің жүргізушісі жылдамдықпен арыққа ұшып кетіп, аударылып қалды.
Алдын ала мәлімет бойынша, ол рөлге ие бола алмай қалған.
"Жол апаты салдарынан бір адам алған жарақаттарынан оқиға орнында қаза тапты. Түрлі дене жарақаттарымен тағы төрт жолаушы ауруханаға жеткізілді. Оқиғаның мән-жайы мен себептері тергеу барысында анықталады", - деп хабарлады Павлодар облысы полиция департаментінің баспасөз қызметі.
Адам өліміне себеп болған жол апаты бойынша қылмыстық іс қозғалды.
Еске салайық, бұған дейін Ақмола облысында жолдың жабылатыны туралы ескертуге құлақ аспаған жол талғамайтын көлік жүргізушісі қаза тапқанын хабарлаған едік.