Оларға 2019 жылдан бастап барлық колледж түлегі ҰБТ тапсыратынын, ал КТА деген атаудағы тестілеу жоқ екені тағы да еске салынды.
"Негізгі ҰБТ-ға өтініш беру 2025 жылғы 12-25 сәуір аралығында www.app.testcenter.kz сайты және UTO қосымшасы арқылы жүргізіледі". ҰТО
Тестілеу орталығы колледж түлектеріне мына маңызды даталарды жаттап алуға кеңес берілді:
- 12-18 сәуір аралығында ҰБТ-ға бір рет өтініш беру;
- 19-25 сәуір аралығында бір немесе екі рет өтініш беру қолжетімді болады.
ҰБТ өткізу мерзімі: 2025 жылғы 16 мамыр – 5 шілде. Сіздер үшін таңдауға 5 күн ұсынылады:
- 30 мамыр;
- 4 маусым;
- 9 маусым;
- 12 маусым;
- 16 маусым.
Тестіленушілер ҰБТ-ға өтініш беру кезінде ұсынылған тестілеудің өту ПУНКТІН, КҮНІН және УАҚЫТЫН өздері таңдайды.
ҰБТ-ға қатысу құны – 5 640 теңге (бір мүмкіндік).
Естеріңізге сала кетейік, аталған кезеңде колледж түлектері тестілеуді екі рет тапсырып, екі сертификаттың біреуімен (ең үздік нәтижемен) білім беру грантын тағайындау конкурсына қатыса алады.