Келісім Астанада 2024 жылдың 27 қарашасында жасалған.
Құжатта тараптар келесі негізгі бағыттар бойынша ынтымақтасатын болады:
- бұқаралық ақпарат құралдарында мемлекеттердің туристік әлеуетін ілгерілету мақсатында жарнамалық науқандарды өткізу;
- білім беру, спорттық іс-шараларға, музыкалық, театрлық және фольклорлық фестивальдерге бару мақсатында топтық және жеке туризмді ұйымдастыру мәселелерін қоса алғанда, туризмді дамыту жөніндегі іс-шараларды өткізу;
- халықаралық пікірталас алаңдарын ұйымдастыру, туристік жәрмеңкелер мен көрмелерге, форумдарға және Тараптардың аумақтарында өткізілетін туристік бағдарламалар мен маршруттардың тұсаукесеріне қатысу;
- мемлекеттердің туристік ұйымдары мен бұқаралық ақпарат құралдары өкілдерінің өзара танысу сапарларын ұйымдастыру;
- туризм саласына инвестиция тартуға жәрдемдесу;
- туризмді дамытуға байланысты тараптар мемлекеттерінде инновациялық көліктік-логистикалық технологияларды дамытуға жәрдемдесу;
- қонақ үй менеджменті мен туристік қызметті дамыту бойынша тәжірибе алмасуды жүзеге асыру;
- мүдделі ұйымдардың туристік сала мамандарымен тәжірибе алмасу арқылы туризм саласында кадрлар даярлауға жәрдемдесу;
- мемлекеттердің шекаралас аудандарында, оның ішінде көпжақты форматтарда трансшекаралық туристік маршруттарды дамыту;
- мемлекеттер порттары арасында круиздік кеме қатынасын дамыту бойынша келісілген шараларды қабылдау;
- туристік кешендер мен рекреациялық аймақтарды құруды қоса алғанда, туризм саласындағы ақпаратпен және тәжірибемен, сондай-ақ мемлекеттердің заңнамасына сәйкес берілетін инвестициялық жеңілдіктер туралы ақпаратпен алмасу.
Ол сондай-ақ мемлекеттердің құзыретті органдары арасында туризм саласындағы статистикалық және басқа ақпараттармен алмасуды ынталандыруды және қолдауды көздейді, оның ішінде:
- мемлекеттердегі туристік қызметті реттейтін нормативтік құқықтық актілер;
- туристік объектілер болып табылатын Қазақстан мен Ресейдің табиғи және мәдени объектілерін қорғауға және сақтауға байланысты нормативтік құқықтық актілер;
- туризм саласындағы қолданыстағы стандарттар;
- туризм саласындағы статистикалық мәліметтер;
- мемлекеттердің туристік мүмкіндіктері;
- туристік қызмет көрсету сапасын арттыру және туризм саласындағы қауіпсіздікті қамтамасыз ету тәжірибесі.
Келісімде сондай-ақ тараптар өз мемлекеттерінің заңнамасында белгіленген тәртіппен басқа тарап мемлекетінің аумағында орналасқан туристердің құқықтары мен заңды мүдделерін қорғау, сондай-ақ төтенше жағдай туындаған кезде оларды эвакуациялау шараларын қоса алғанда, олардың қауіпсіздігін қамтамасыз ету жөніндегі шараларды қабылдайтыны айтылған.
Қаулы қол қойылған күннен бастап күшіне енеді.