Полицияға қала тұрғыны алаяқтың құрбаны болғанын айтып, жүгінген.
"Өтініш берушінің айтуынша, қаскүнем онымен достық қарым-қатынас орнатып, бұрын өзін кәсіпкер ретінде таныстырған. Сенімге кіріп, содан кейін ақша сұрай бастаған – тұрмыстық қиындықтарды шешу және ортақ бизнесті бастау үшін. Ол бірнеше ай бойы әйел мен оның ұлын несие мен автокредит алуға, сондай-ақ оған банк карталарын беруге көндірген. Жалпы шығын бірнеше миллион теңгені құрады. Ер адам барлық қаражатты өз қажеттіліктеріне жұмсаған". Ақмола облысы ПД баспасөз қызметі
Қазіргі уақытта факті бойынша сотқа дейінгі тергеу қозғалды, қажетті тергеу әрекеттері жүргізілуде.
"Полиция азаматтарды сақ болуға шақырады: банк карталарын, логиндер мен парольдерді бөгде адамдарға бермеңіз, біреудің өтініші бойынша өз атыңызға несие алмаңыз және манипуляцияға бой алдырмаңыз". Ақмола облысы ПД баспасөз қызметі
Бұған дейін Бас прокуратура өз қызметкеріне тағылған айыпқа қатысты мәлімдеме жасаған болатын.