Полицияның баспасөз қызметінің мәліметінше, 1987 жылы туған күдікті уақытша ұстау изоляторына қамалды. Одан заттай дәлелдемелер тәркіленген.
"Аталған факті бойынша ҚР Қылмыстық кодексінің 99-бабы 1-бөлігі ("Адам өлтіру") бойынша қылмыстық іс тіркелді. Қазіргі таңда тергеу амалдары жүргізіліп жатыр", - деп хабарлады полиция Zakon.kz тілшісіне.
Көршілерінің айтуынша, ұсталған азамат осы үйде сантехник болып жұмыс істеген. Марқұм жалғыз тұрған.
Еске салайық, бұған дейін Атыраудағы элиталық тұрғын үй кешенінде әйелді өлтіріп, үйін тонап кеткенін хабарлаған едік.