"Оқиға салдарынан ешкім зардап шеккен жоқ. Барлық қатысушы анықталып, ұсталып, полиция бөліміне жеткізілді", - деп хабарлады департамент.
Аталған факті бойынша қылмыстық іс қозғалды. Қазіргі уақытта оқиғаның барлық мән-жайын анықтау мақсатында тергеу амалдары жүргізіліп жатыр.
Сонымен қатар көпір маңында болған оқиғаға қатысқан барлық тұлға ұсталып, полиция бөліміне жеткізілген.
"Ұсталғандардың біріне қатысты билік өкіліне тіл тигізу фактісі бойынша қылмыстық іс басталды. Қазіргі уақытта бұл адамға қатысты бұлтартпау шарасын қолдану мәселесі сотта қаралып жатыр", – деді департаментте.
Ұсталғандардың бірінің оған дене жарақаты келтірілгені туралы мәлімдемесіне қатысты – бейнежазбаларды зерделеу нәтижесінде, жарияланымда көрсетілген полиция қызметкерлері тарапынан дене жарақаты келтірілгені расталмаған. Дегенмен, сол мәлімдемені жан-жақты және объективті қарастыру мақсатында тиісті тексеру жүргізіліп жатыр.
Қазіргі уақытта оқиғаның толық бейнесін қалпына келтіру және құқыққа қарсы әрекеттердің себептерін анықтау мақсатында қажетті тергеу амалдары жүргізіліп жатыр.
ҚР Қылмыстық-процестік кодексінің 201-бабына сәйкес, тергеу мүддесіне байланысты өзге ақпарат жария етуге жатпайды.