Алдын ала тергеу барысында анықталғандай, күдікті қоғамдық көліктердің бірінде – маршруттық автобус ішінде, жолаушының әмиянын жасырын түрде ұрлап кеткен.
Әмиян ішінде 30 мың теңге көлеміндегі ақша болған. 21 жастағы жәбірленуші үйіне келген соң ғана мүлкінің жоғалғанын байқап, дереу полицияға жүгінген.
Аталған дерек бойынша ҚР Қылмыстық кодексінің 188-бабы бойынша қылмыстық іс қозғалды.
Қазіргі уақытта полиция қызметкерлері күдіктінің басқа да осыған ұқсас қылмысқа қатысы бар-жоғын тексеріп жатыр.
Полиция азаматтарды қоғамдық орындарда, әсіресе көлікпен қатынау кезінде қырағылық танытуға шақырады.