Маманның айтуынша, 2023 жылы президент Ана мен бала орталығында болып, онда балалармен әңгімелескен.
"Содан кейін Қасым-Жомарт Тоқаев бір кішкентай қыздан оның арманы қандай екенін сұрады. Бұл қыз Әнеля: "Менің арманым – бүйрек алмастыру", – деп жауап берді. Президент: "Арманда, бәрі орындалады", – деп еске алды Шолпан Алтынова.
Арада жарты жыл өткеннен кейін Әнелге ота жасалды. Қазір ол білім алып, алаңсыз балалық балдәуренін өткізіп жатыр.
Бұған дейін медицина қызметкерлерін марапаттау рәсімінде Қасым-Жомарт Тоқаев сөз сөйлеген болатын. Мемлекет басшысы шараға қатысушыларды Медицина қызметкері күнімен құттықтап, осы мерекеге орай Ақордада алғаш рет өтіп отырған жиынның ерекше маңыздылығын атап өтті. Сондай-ақ Мемлекет басшысы бірқатар медицина қызметкерлерін марапаттап, құрметті атақтар берді.