Оның айтуынша, Әділет министрлігі АЭС-ті заңнамалық қамтамасыз ету бойынша Атом энергиясы агенттігімен байланыста. Бұл мәселе бойынша жұмыс аяқталған жоқ. Бұл ретте министр АЭС құруға заңнамалық кедергілер жоқ екенін атап өтті.
"Мәселе стансаның өзінің жұмысына қатысты. Бұл бөлімде мәселені одан әрі әзірлеу уәкілетті органға жүктелген", – деді Ерлан Сәрсембаев.
Атом электр станциясын жобалау, салу және пайдалануға беру мерзімі 10-12 жылды құрайтыны бұрын хабарланған болатын. Құрылыстың болжамды аяқталу мерзімі 2035-2036 жылдар.