Оның ішінде 996 интернет арқылы жасалған қылмыстар қатарын толықтырды. Алаяқтардың басты мақсаты – айла-амал арқылы азаматтардың ақшасын алдау жолымен иемдену.
Осындай жағымсыз жағдайларға тап болмас үшін полиция қызметкерлерінің мына кеңестерін ұстаныңыз:
- банк пен ұялы байланыс операторларынан келген SMS-кодтарды ешкімге айтпаңыз;
- жеке деректеріңізді, банк карталарыңыз бен шоттарыңыз туралы ақпаратты бөгде адамдарға жібермеңіз және жария етпеңіз;
- банктік картаңызды ешкімге бермеңіз және бейтаныс адамдардан атыңызға ақша аударымдарын қабылдамаңыз;
- интернет-дүкендерден тауар не қызмет аларда сол дүкеннің беделі мен пікірлерін тексеріңіз;
есіңізде болсын:
- құқық қорғау органдарының немесе банктердің қызметкерлері ешқашан сізден транзакция жасауды немесе телефон арқылы жеке мәліметтерді сұрамайды;
- қаржы операцияларын жасамас бұрын, ақпараттың дұрыстығын міндетті түрде тексеріңіз;
- үйге өзіңіз шақырмаған бейтаныс адамдар келген жағдайда есік ашпаңыз. Олар кім болып таныстырса да, абай болыңыз;
- бейтаныс адамдарға ақша бермеңіз және ақшаны ұсақтап беріп не айырбастап беруге келіспеңіз;
- өзін сауда фирмаларының өкілімін деп таныстырған адамдардан азық-түлік, тұрмыстық техника немесе дәрі-дәрмек сатып алмаңыз.
Осы қарапайым ережелерді сақтау арқылы сіз алаяқтардың құрбаны болу қауіпін едәуір азайта аласыз.