Болжамға сәйкес, жауын-шашынсыз ауа райы тек республиканың оңтүстігі мен оңтүстік-шығысында болады.
"Қазақстан аумағының басым бөлігінде ауа райына циклон мен соған байланысты атмосфералық фронттар әсер етеді. Найзағай ойнап, жаңбыр жауады, еліміздің батысында, солтүстігінде және шығысында бұршақ жаууы мүмкін. Шығыс өңірлерде қатты жаңбыр мен дауылды жел күтіледі… Сондай-ақ жел күшейіп, солтүстік пен солтүстік-батыста түнде және таңертең тұман болады", - деп хабарлады "Қазгидромет" РМК.
Сонымен қатар, гидрометеоорталық мына өңірлерде:
- жоғары өрт қаупі сақталады: Алматы облысының оңтүстігі мен шығысында, Жамбыл облысының шығысында, Абай облысында, Атырау облысының оңтүстігінде, Солтүстік Қазақстан, Шығыс Қазақстан облыстарында, Маңғыстау облысының батысы, оңтүстігі және орталығында, Жетісу облысының батысы мен оңтүстігінде;
- төтенше өрт қаупі бар: Жамбыл, Қызылорда, Түркістан облыстарында, Алматы облысының солтүстігі, батысы мен орталығында, Қарағанды облысының батысы, шығысы мен оңтүстігінде, Ақтөбе облысының орталығында, Қостанай облысының оңтүстік-батысында, Жетісу облысының солтүстігі, шығысы мен орталығында, Абай облысының оңтүстігінде.