Қызылорда облысында құтқарушылар топырақ ылғалдылығы мен Сырдария өзенінің су деңгейі төмендегендіктен суармалы ауыл шаруашылығы алқаптарын сумен қамтамасыз ету жұмыстарын тәулік бойы жүргізуде.
Төтенше жағдайлар министрлігі сорғы жабдықтары мен мамандандырылған техниканы пайдалана отырып, егістерді сумен қамтамасыз ету үшін еліміздің 19 өңірінен күштер мен құралдарды тарту туралы шешім қабылдады.
Бүгінгі таңда ТЖМ құтқарушылары бір аптаға жуық Сырдария, Жалағаш, Қазалы және Шиелі аудандарында белсенді жұмыс істеуде. Іс-шаралар басталғаннан бері егістіктерді суару үшін 2 378 710 текше метр су айдалды.
Жұмыс күшейтілген режимде жалғасуда және тұрақты бақылауда. Құтқарушылар жоғары кәсіпқойлық пен өз ісіне адалдығын көрсете отырып, қиын жағдайда далада жұмыс істеп жатыр.