Олар қазақстандық және шетелдік арнайы курстар арқылы жасанды интеллект негіздерін меңгеріп, оны оқуда тиімді пайдалануды үйренген.
Ал IT мамандығында оқитын студенттер сурет, видео, сайт жасап, код жазатындай деңгейге жетті, деп жазады qazaqstan.tv.
Ендігі қадам – жасанды интеллектінің көмегімен аймақта экономиканың әр саласына арналған стартап жобаларды дайындау.
Сонымен қатар, университетте жаңадан "Жасанды интеллект және компютерлік ғылымдар" факультеті ашылған. 20 мұғалім "TechOrda" мемлекеттік бағдарламасы аясында курстан өтіп, нейросеть, машиналық оқыту, компьютерлік көру технологияларын меңгерді.
Ал оқу орнындағы технопаркте "01Edu" бағдарламасымен білім алуға 90 студент іріктелген.
"Келесі кезең – студенттеріміздің, әсіресе DeepTech бағытындағы стартаптарды дамыта білуі. Яғни жасанды интеллектіні тиімді пайдаланып, жоғары деңгейлі стартап-компаниялар құруға машықтануы. Болашақ түлектеріміз экономикаға араласқанда, жасанды интеллектіні айналып өтпей, оны өз жұмысына тиімді қолданып, жүзеге асыратын жобаларының сапасын арттырады." Ерлан Түргенбаев, технопарктің үйлестірушісі