Бұл туралы 2025 жылғы 6 тамызда Жетісу облысының прокуратурасы еске салды:
"Еңбек кодексіне сәйкес, қызметкерлерге жыл сайынғы скринингтік зерттеулерден өту үшін әлеуметтік демалыс берілуі тиіс... Сонымен қатар, жұмыс беруші қызметкерді еңбек міндеттерін орындау кезінде жазатайым оқиғалардан сақтандыруы қажет", – делінген прокуратура хабарламасында.
Аймақтық қадағалау органының мәліметінше, Қаратал ауданындағы медициналық мекемелермен салыстыру барысында соңғы екі жыл ішінде 90-нан астам қызметкердің скринингтік тексеруден өтпегені және оларға жұмыс беруші тарапынан әлеуметтік демалыс берілмегені анықталды. Сонымен қатар, 70 қызметкерде еңбек қызметі кезінде жазатайым оқиғалардан сақтандыру шарты болмағаны белгілі болды.
"Қаратал ауданы прокуратурасының қадағалау актісінің нәтижесінде азаматтардың құқықтары қалпына келтірілді, үш жұмыс беруші әкімшілік жауапкершілікке тартылды", – деп қорытындылады Жетісу облысының прокуратурасы.