Тараздағы Айтиева көшесінде орналасқан бес қабатты тұрғын үйдің екінші қабатындағы пәтерде өрт шықты.
Оқиға орнына жедел жеткен ТЖД қызметкерлері өртті толық сөндірді.
Сурет: Төтенше жағдайлар министрлігінің баспасөз қызметі
"Түтін басқан пәтерлерден 4 адам, оның ішінде бір мүгедектігі бар адам құтқарылды. Зардап шеккендерді "Апаттар медицинасы орталығы" бригадасы қарап, екеуі ауруханаға жеткізілді, - деп хабарлады Төтенше жағдайлар министрлігінің баспасөз қызметі.
Сонымен қатар 25 тұрғын өз бетімен үйден шығып үлгерген.