Алматыдағы екі ХҚКО кезекшілік жұмыс кестесіне көшеді: нені білу керек

"Азаматтарға арналған үкімет" мемлекеттік корпорациясының Алматы қаласы бойынша филиалдары – Жетісу ауданындағы (Серіков көшесі, 6а) және Медеу ауданындағы (Марков көшесі, 44) Халыққа қызмет көрсету орталықтары кезекшілік тәртіппен жұмыс істей бастайды, деп хабарлайды Zakon.kz.

Кезекші ХҚКО азаматтарды жұмыс күндері сағат 9:00 ден 20:00-ге дейін, ал сенбіде-9:00-ден 13:00-ге дейін қабылдайды.

Дәл осы уақыт режимімен, қаладағы екі кезекші мамандандырылған ХҚКО мекенжайлары:

• Саялы ш/а., Аққайнар көшесі, 1
• Кемел ш/а., Ақсуат көшесі, 118

Мамандандырылған орталықтардың жұмыс кестесі:

Дүйсенбі-жұма:

• Мемлекеттік қызметтерге өтініш қабылдау: 09:00 18:00
• Құжаттарды беру секторы: 09:00 20:00 (үзіліссіз)

Сенбі:

• Өтініш қабылдау: 09:00 12:00
• Құжаттарды беру: 09:00 13:00

"Қалған барлық ХҚКО мен мамандандырылған ХҚКО-лар жұмыс күндері: 09:00 18:00-ге дейін жұмыс істейді. Сенбі - демалыс күні",- деп атап өтті "Азаматтарға арналған үкімет" баспасөз қызметі

Мұнымен қоса, мемлекеттік қызметтерді "ХҚКО" қосымшасында, электрондық үкімет порталында немесе екінші деңгейдегі банктердің мобильдік қосымшаларында бейнеқоңырау арқылы онлайн алуға болатыны еске салынды.