Болжамға сәйкес, күндіз аптап ыстық күтіледі:
- Жетісу облысында, Алматы облысында – +37…+38°С дейін,
- Маңғыстау облысында – +40°С дейін.
"Батыс антициклонының ықпалымен Қазақстанның батысында, оңтүстігінде, оңтүстік-шығысында жауын-шашынсыз ауа райы сақталады. Елдің қалған аумағында атмосфералық фронттардың өтуіне байланысты жаңбыр жауып, найзағай күтіледі, бұршақ пен қатты жел болуы мүмкін. Республика бойынша желдің күшеюі болжанады, оңтүстік-батыста, оңтүстікте, орталықта шаңды дауыл, ал оңтүстік-батыста және орталықта түнгі және таңғы уақытта тұман күтіледі", - деп хабарлады "Қазгидромет" РМК баспасөз қызметі.
Сонымен қатар, гидрометорталықтың мәліметінше, күтіледі:
- Жоғары өрт қаупі – Алматы, Ақтөбе, Шығыс Қазақстан, Қарағанды облыстарында, Ұлытау, Жетісу, Абай облыстарында, Ақмола облысының батысы, оңтүстігі мен шығысында, Батыс Қазақстан облысының шығысы, оңтүстік-шығысы, оңтүстігі мен орталығында, Атырау облысының солтүстігі, оңтүстігі мен орталығында, Қостанай облысының батысында, Маңғыстау облысында;
- Төтенше өрт қаупі – Түркістан, Қызылорда, Маңғыстау, Жамбыл облыстарында, Батыс Қазақстан облысының батысында, Алматы облысының батысы мен солтүстігінде, Жетісу облысының оңтүстігі мен шығысында, Атырау облысының батысы мен шығысында, Қостанай облысының оңтүстігінде, сондай-ақ Қарағанды мен Ақтөбе облыстарында.