Редакция жылу қашан қосылатынын білу үшін Алматы қаласы Энергетика және сумен жабдықтау басқармасына жүгінді.
Басқарманың жауабына сәйкес, жылыту маусымының басталуы туралы шешім сыртқы ауаның тәуліктік орташа температурасы +8°С және одан төмен деңгейде қатарынан бес күн сақталған жағдайда қабылданады.
Жылу объектілерге кезең-кезеңімен беріледі:
- алдымен – балабақшалар, мектептер, ауруханалар, колледждер мен медико-әлеуметтік мекемелер;
- содан кейін – тұрғын үйлер, жатақханалар және қонақүйлер;
- ары қарай – әкімшілік ғимараттар, жоғары оқу орындары, театрлар;
- соңғы кезекте – басқа нысандар.
"Жылуға қосу жұмыстары бекітілген кестеге сәйкес жүргізіліп, тұтынушыларға жылуды үздіксіз жеткізу қамтамасыз етіледі", – деді мамандар.
Айта кетейік, Қазақстанның бір қаласында жылыту маусымы әлдеқашан басталған. 2025 жылғы 10 қыркүйекте Павлодарда үйлерге жылу берілген.
Сондай-ақ, 15 қыркүйекте Премьер-министр Олжас Бектенов елімізде жылыту маусымының кешігуіне жол бермеу үшін шара қолданатынын ескерткен болатын.