Ғарышқа ұшатын алғашқы қазақстандық әйел: астронавтар ауылынан алғашқы кадрлар жарияланды

Құрамында ғарышқа алғаш рет ұшқалы отырған қазақстандық әйел – Данна Қарагұсова бар, Blue Origin NS-36 миссиясының экипажы, АҚШ-тың Техас штатындағы "астронавтар ауылына" келіп жетті, деп хабарлайды Zakon.kz.

Компания "Астронавтар ауылына қош келдіңіздер, NS-36 экипажы!" деген жазумен алғашқы суреттерді жариялады.

Бұл ретте, NS-36 миисиясының эмблемасы да ұсынылды. Ондағы әрбір элемент экипаж мүшелерінің жеке тарихын бейнелейді:

• Қазақстан таулары – Данна Қарагұсова үшін ерекше мәнге ие.
• Ай мен Жер – адамзаттың болашақтағы ғарыштық сапарлары мен коммерциялық мүмкіндіктерін білдіреді.
• Карман сызығынан өтіп бара жатқан экипаж капсуласы – New Shepard зымыранының ұшу бағытын көрсетеді.
• Жұлдызды аспан мен ашық дала – экипаж мүшесі Виталий Островскийдің отаны – Украинаны бейнелейді.
• Якорь (зәкір) – Аарон Ньюманның ғылым мен мұхиттарды қорғауға деген құштарлығын білдіреді.
• "Меркурий" капсуласы – алғашқы америкалық астронавт Алан Шепардқа және ғарышты игеру арманына арналған құрмет белгісі.

Бұған дейін Қарағұсовамен бірге сапарлас экипаж мүшелері жайлы жазғанбыз.