Марат Қожаевтың айтуынша, бұл ұсыныс жол ережесін жиі және жүйелі түрде бұзатын жүргізушілерге қатысты.
"Мен өткен жылы бұл мәселені көтерген едім – ол үкіметте қаралып, қолдау тапты. Мен жүйелі түрде, жыл ішінде 10 реттен көп жол ережесін бұзатын жүргізушілерді жеңілдіктен айыруды ұсынамын. Яғни 11-ші, 12-ші немесе 13-ші рет бұзған жағдайда толық сомасын төлеуі тиіс. Біз заңдарды пакеттер бойынша қабылдаймыз, ал Әкімшілік құқық бұзушылықтар кодексіне келесі өзгерістер енгізілгенде мен осы түзетулерді көтеремін", – деді сенатор.
Бұған дейін депутат өз сұранысында бір жүргізушінің жыл ішінде 143 рет жол ережесін бұзып, 3 миллион теңгеден астам айыппұл төлегенін мысал ретінде келтірген болатын.