Ұлттық Олимпиадалық комитеттің баспасөз қызметінің мәліметінше, екінші жарыс күнінде Қазақстан атынан жеті спортшы спорттың екі түрі бойынша бақ сынайды.
Осылайша, Астана уақытымен 16:30-да ерлер арасындағы шаңғы жарысы басталады. Бұл сайыста Әмірғали Мұратбеков, Виталий Пухкало және Наиль Башмаков ел намысын қорғайды.
Сағат 18:05-те биатлоннан аралас эстафета өтеді. Қазақстан құрамасында Владислав Киреев, Әсет Дүйсенов, Милана Генева және Айша Рақышева өнер көрсетеді.
Қазақстандық спортшылардың жарысын отандық төрт телеарна тікелей эфирде көрсетеді:
- Qazaqstan,
- Qazsport,
- Хабар,
- Jibek Joly.