Бұл туралы бүгін, 2026 жылғы 11 ақпанда, агенттіктің Telegram-арнасында жарияланды.
1Win интернет-платформасы 11 мыңнан астам онлайн-ойынға, сондай-ақ спорттық және киберспорттық іс-шараларға бәс тігуге мүмкіндік берген.
Бәс қабылдау және ұтыстарды төлеу банк карталары, электрондық төлем жүйелері және криптовалюта арқылы жүзеге асырылған.
Күдіктілер халықаралық іздеуге жарияланды. Оларға қатысты сырттай қамауға алу түріндегі бұлтартпау шарасы санкцияланды.
Сонымен қатар қылмыстық жолмен алынған мүлікті мемлекет кірісіне өндіру мақсатында сотқа дейінгі тәркілеу шаралары қолданылды. Атап айтқанда, Mercedes Maybach S500, Lamborghini Huracan, Toyota Land Cruiser автокөліктері, сондай-ақ банк шоттарындағы 151 млн теңге, 14 600 АҚШ доллары және 44 400 еуроға тыйым салынды.
Сот қаулысымен жалпы құны 420 млн теңгеден асатын мүлік мемлекет кірісіне тәркіленді.