Нұрлан Әбдіров атап өткендей, сайлау учаскелері 2026 жылғы 15 наурызда сағат 20:00-де Астана уақытымен жабылған кезде, референдумға 9 127 192 адам, яғни референдумға қатысуға құқығы бар азаматтардың 73,12%-ы қатысты.
Оның айтуынша, учаскелер жабылғаннан кейін бірден елдің барлық өңірлеріндегі және шетелдегі 10 388 учаскеде дауыстарды санау басталды.
"Референдумға шығарылған мәселе бойынша оң шешімді қолдап дауыс берген азаматтардың саны 7 954 667 адамды құрады немесе 87,15 пайыз", – деді Нұрлан Әбдіров.
Орталық референдум комиссиясының мәліметінше, 146 558 бюллетень жарамсыз деп танылған.
Осылайша, дауыс беруге референдумға қатысуға құқығы бар азаматтардың жартысынан көбі қатысқандықтан, референдум өтті деп есептеледі.