Оның айтуынша, бұл сома үлкен емес.
"Себебі жоспарланған іс-шаралар өте көп. Біріншіден, гидротехникалық құрылыстарды – әр деңгейдегі бөгеттерді, су қоймаларындағы су өткізу құрылғыларын – кешенді тексеру керек. Ең жас су қоймаларына 30 жыл болса, ескі су қоймаларына 50–70 жыл. Сондықтан кешенді тексеру, күрделі жөндеу және реконструкция – өте қымбатқа түседі. Сонымен қатар, 2024 жыл бізге су тасқынына дайын болмағанымызды анық көрсетті", – деді Бозымбаев.
Вице-премьердің айтуынша, әр өңірде су тасқынына қарсы шаралар әртүрлі жүргізіледі.
"Қай жерде су тасқыны болады, қай жерде арықтар мен өзен арналарын тазарту керек, қай жерге ірі бөгеттер саалынады – мұның бәрі су мөлшеріне, табиғи-климаттық жағдайларға, топыраққа байланысты. Сондықтан бұл аз ақша. Өңірлер міндетті түрде жұмыстар жүргізуі керек, өйткені табиғат әкелетін залал әлдеқайда үлкен. Адамдарға келетін қолайсыздық пен экономикалық шығын әлдеқайда жоғары", – деп қосты Қанат Бозымбаев.
Бұған дейін тасқын суға қарсы бөлінген 49 млрд теңгенің жұмсалуы қалай бақыланатындығын жазғанбыз.