Антициклон жотасының әсерінен Қазақстан аумағының басым бөлігінде жауын-шашынсыз ауа райы қалыптасады.
"Тек елдің қиыр солтүстігінде аздаған жауын-шашын түседі, ал батыстың шеткі бөлігінде және оңтүстік облыстардың таулы аймақтарында жаңбыр жауып, найзағай болжанады", – делінген "Қазгидромет" баспасөз қызметінің хабарламасында.
Сонымен қатар ел бойынша кей жерде тұман мен көктайғақ (әсіресе солтүстік және орталық өңірлерде) болады. Солтүстік, оңтүстік және оңтүстік-шығыс аймақтарда жел күшейеді, ал батыста шаңды дауыл соғуы мүмкін.