Қала әкімдігінің мәліметінше, жаңа форматта өтініштер тәулік бойы, демалыс және мереке күндерінсіз қабылданады.
"Бірыңғай нөмірге көшу өтініштерді өңдеу жеделдігін арттыруға, жауап күту уақытын қысқартуға және қалалық қызметтерге қолжетімділікті жеңілдетуге мүмкіндік береді", – деп атап өтті әкімдікте.
109 байланыс орталығы қалалық инфрақұрылым, абаттандыру, тұрғын үй-коммуналдық шаруашылық және өзге де бағыттар бойынша өтініштер қабылдайтын бірыңғай орталық ретінде жұмыс істейді.
Сонымен қатар тұрғындар үшін балама байланыс арналары да қолжетімді:
- Open Almaty-дің әлеуметтік желілері (Instagram, Facebook, Telegram);
- өтініш жолдау және оның мәртебесін бақылау мүмкіндігі бар Open Almaty порталы;
- өтінім жіберуге және оның орындалу барысын бақылауға арналған мобильді қосымша;
- фронт-офис: Абай даңғылы, 90.
"Осылайша, тұрғындар өздеріне ыңғайлы тәсілді таңдай алады – қашықтан немесе жеке барып жүгіну", – деп қосты әкімдікте.
Айта кетейік, 2026 жылдың наурыз айында шұғыл қызметтердің нөмірлер тізімі 1484 жаңа нөмірімен толыққан болатын.