Оның айтуынша, мектеп басқару саласында бірқатар мәселелер бар.
"Оқу-ағарту министрлігінің мәліметінше, 2026 жылғы 16 сәуірдегі жағдай бойынша мемлекеттік мектептерде 454 директорлық лауазым бос тұр. Бұл – барлық мектептердің 6,5%-ы, яғни шамамен әрбір он бесінші мектепте басшы жоқ деген сөз. Салыстыру үшін айта кетсек, халықаралық тәжірибеде 1–3% деңгейі өзінде алаңдатарлық саналады, ал 5%-дан жоғары көрсеткіш жүйелі шешімдерді талап етеді. Бізде бұл көрсеткіш – 6,5%", – деді ол.
Депутаттың айтуынша, кадр тапшылығы әсіресе өңірлерде айқын байқалады.
"454 бос орынның 399-ы ауылдық мектептерге, ал 56-сы қалалық мектептерге тиесілі. Ең күрделі жағдай Ақмола облысында – 63 бос орын, Солтүстік Қазақстан облысында – 56, Қарағанды облысында – 49. Сонымен қатар, 295 бос орын шағын жинақты мектептерге тиесілі, бұл ауылдағы бос орындардың шамамен төрттен үш бөлігін құрайды. Мұғалімдердің мектеп директоры болуға неге құлықсыз екені түсінікті: жауапкершілік жоғары, ал жалақы қарапайым мұғалімнен төмен", – деп атап өтті Вера Ким.
Мәселені шешу үшін депутат ауыл мектептеріне директорларды тарту және оларды ұстап қалу шараларын күшейтуді, ауылдық жерлерде басқарушы кадрларды ротациялауға сараланған тәсілдер енгізуді, сондай-ақ директорлық қызметтің тартымдылығын арттыруды ұсынды.
Бұған дейін депутат дәрі-дәрмек бағасын реттеу жүйесін өзгертуді ұсынғанын жазғанбыз.