Zakon.kz арнайы тілшісінің мәліметінше, Honda Odyssey көлігі Яссауи көшесімен солтүстік бағытта келе жатқан, ал Kia Sportage Трудовая көшесімен батыс бағытта қозғалған.
Сурет: Zakon.kz
Алдын ала мәлімет бойынша, Kia Sportage жүргізушісі "Жол беріңіз" белгісінің талабын елемей, қиылысқа шығып кеткен. Сол сәтте оған Honda Odyssey соғылған.
Сурет: Zakon.kz
Соққыдан кейін екі көлік те жолдан шығып, қарсы қозғалыс жолағы арқылы бұған дейін де бірнеше рет көлік кіріп кеткен кафеге қарай ұшып кеткен.
Сурет: Zakon.kz
Алайда бұл жолы дәмхана зардап шеккен жоқ. Kia Sportage көлігін бетон бағана тоқтатса, Honda Odyssey көлігі Kia-ға тіреліп тоқтаған.
Сурет: Zakon.kz
Жол апаты салдарынан Kia Sportage көлігіндегі жолаушы жарақат алып, ауруханаға жеткізілді.
Сурет: Zakon.kz
Өзге адамдарды оқиға орнында дәрігерлер қарап шықты. Оларға ауруханаға жатқызу қажет болмаған.