Журналистер бұған дейін Астана қаласы Қорғаныс істері департаментінің өкілі Ғани Артықов әскери қызмет өтемеген 27 жастан асқан азаматтарды қайта даярлауға жіберу туралы ұсыныс айтқанын еске салды. Осыған байланысты олар Қорғаныс министрлігінің ұстанымын сұрады.
"Егер адам әскери қызметтен өтпеген болса, ол ешқашан әскери қайта даярлауға жатпайды. Қайта даярлауға тек мерзімді әскери қызметтен өткендер немесе офицерлік қызмет атқарғандар және белгілі бір уақыт өткеннен кейін жіберіледі", – деді ол.
Бұған дейін Мұстабеков Жамбыл облысында дронның құлауына қатысты жағдайға түсініктеме берген болатын.