Оның айтуынша, бүгінде барлық сертификаттау рәсімі толық аяқталған.
"3 тамызда әуежайға №8/26 авиациялық қауіпсіздік қызметінің сертификаты берілді. 18 тамызда аэронавигациялық қызмет көрсетуші ретінде "Қазаэронавигация" РМК-ның №21 сертификаты алынды. 21 тамызда АРД сериялы №KZ01VKC00000389 аэродромның жарамдылық сертификаты берілді. Қазіргі уақытта Арқалық әуежайы CRJ200 үлгісіндегі өңірлік жолаушылар ұшақтарын қабылдауға және оларға қызмет көрсетуге дайын", – деп жазды әкім Facebook парақшасында.
Арқалық әуежайы 22 тамызда алғашқы әуе рейсін қабылдайды. Ал 1 қыркүйектен бастап тұрақты рейстер орындалады.
Әр сейсенбіде:
- Алматы – Арқалық: 08:50-10:50;
- Арқалық – Қостанай: 11:50-12:40;
- Қостанай – Арқалық: 13:40-14:30;
- Арқалық – Астана: 15:30-16:20;
- Астана – Арқалық: 17:50-18:40;
- Арқалық – Алматы: 19:40-21:35.
Әр сенбіде:
- Алматы – Арқалық: 08:40-10:40;
- Арқалық – Қостанай: 11:40-12:30;
- Қостанай – Арқалық: 13:30-14:20;
- Арқалық – Астана: 15:15-16:05;
- Астана – Арқалық: 17:35-18:25;
- Арқалық – Алматы: 19:25-21:15.
Өткізілген конкурс қорытындысы бойынша аталған әуе бағыттарына SCAT әуе компаниясы жеңімпаз болып анықталды.
"Арқалық әуежайының жұмысын қайта бастауы – Торғай өңірінің көлік қолжетімділігін арттырып, елді мекендердің әлеуметтік-экономикалық дамуына жаңа мүмкіндіктер ашатын маңызды қадам. Құттықтаймын!" – деді Құмар Ақсақалов.
Арқалық әуежайы 1992 жылы тұрақты жолаушылар рейстерін орындауды тоқтатты. 1998 жылдан бастап әуежай пайдаланылмай қалды.
2025 жылғы 14 наурызда Президент Қасым-Жомарт Тоқаев әуежайды қалпына келтіріп, жаңа аэровокзал кешенін салу қажеттігін айтқан еді. Жаңа әуежайдың құрылысы 2025 жылғы шілдеде басталды.
2026 жылғы 12 тамызда Халықаралық әуе көлігі қауымдастығы (IATA) Арқалық әуежайына AYK үш әріптік кодын ресми түрде берді.