Сайлаушылар учаскелер ашылғаннан кейін көп ұзамай келе бастаған. Мектептерде, колледждерде және басқа да ғимараттарда орналасқан кейбір сайлау учаскесінің кіреберісінде кезек қалыптасты.
Адамдардың көптігіне қарамастан, дауыс беру тыныш әрі ұйымдасқан түрде өтіп жатыр.
Алматылықтардың көбі сайлау учаскелеріне отбасымен, достарымен және әріптестерімен бірге келуде. Кейбір тұрғындар демалыс күнінің қалған бөлігін туған-туыстарымен өткізу үшін таңертең ерте дауыс беруді жөн көргендерін айтады.
Кезекте тұрған сайлаушылар дауыс беруге қатысуды азаматтық борышы әрі өз ұстанымын білдірудің маңызды мүмкіндігі деп санайтынын жеткізді.
Таңғы уақыттан-ақ байқалған сайлаушылар белсенділігі алматылықтардың ел үшін маңызды саяси оқиғаға қызығушылығы жоғары екенін аңғартады. Қаладағы сайлау учаскелерінде дауыс беру кешке дейін жалғасады.