Болжамға сәйкес, құрылыс саласындағы өсу қарқыны 2027 жылғы 16%-дан 2029 жылы 17,3%-ға дейін артады.
"Бұған көлік-логистика, энергетика және су инфрақұрылымын одан әрі дамыту жобаларын жоспарлы түрде іске асыру, сондай-ақ тұрғын үй-коммуналдық және әлеуметтік инфрақұрылымды жаңғырту ықпал етеді", – деді Серік Жұманғарин.
Оның айтуынша, қызмет көрсету саласында да тұрақты өсім сақталады. Сауда саласы жылына орта есеппен 5,7%, көлік және қоймалау – 10,4%, ақпарат және байланыс саласы 9,2% өседі.
"Оң сауда балансы сақталады. Болжам бойынша тауарлар экспорты 2027 жылғы 82,8 млрд АҚШ долларынан 2029 жылы 88,5 млрд АҚШ долларына дейін, ал импорт 80,5 млрд доллардан 88,4 млрд долларға дейін ұлғаяды", – деп толықтырды министр.
Бұған дейін Серік Жұманғарин өңдеу өнеркәсібінің өсетінін хабарлаған еді.