Синоптиктердің мәліметінше, тек елдің орталығы мен оңтүстігінде жауын-шашынсыз ауа райы күтіледі.
"Алдағы күндері атмосфералық фронттардың өтуіне байланысты Қазақстан аумағының басым бөлігінде жаңбыр мен қар жауады. 15 қазанда елдің шығысы мен оңтүстік-шығысында кей уақытта қатты жауын-шашын (жаңбыр, қар) күтіледі. Елдің шығысында көктайғақ болады. 16–17 қазанға қараған түндері оңтүстік-шығыста −1…−2°C үсік жүреді деп болжанады. Республика бойынша жел күшейіп, түнгі және таңғы уақытта тұман түседі", – деп хабарлады "Қазгидромет" РМК баспасөз қызметі.
Болжамға сәйкес, ауа температурасы бірде төмендеп, бірде жоғарылайды:
- Елдің батысында түнде +7…+15°C-қа, күндіз +17…+25°C-қа дейін төмендейді.
- Ақтөбе облысында түнде +1…+6°C, өңірдің солтүстігі мен шығысында −1…−3°C болады. Күндіз температура +15…+23°C-қа дейін төмендейді.
- Қостанай облысында түнде −1…−6°C-қа дейін төмендейді. Күндіз +12…+17°C-тан +10…+15°C-қа дейін аздап өзгереді.
- Елдің солтүстігінде түнде −3…−8°C-қа дейін төмендеп, 17 қазаннан бастап 0…+8°C-қа дейін жоғарылайды. Күндіз +7…+12°C-қа дейін сәл жылынады.
- Ұлытау облысында түнде негізінен 0…+6°C, өңірдің солтүстігі мен шығысында −3°C болады. Күндіз +10…+20°C күтіледі.
- Қарағанды облысында түнде негізінен −1…−8°C, өңірдің оңтүстігінде +3°C болады. Күндіз ауа температурасы біртіндеп +10…+15°C-қа дейін жоғарылайды.
- Елдің шығысында түнгі температура −1…−6°C-тан −3…−11°C-қа дейін өзгереді. Күндіз негізінен +3…+12°C, өңірдің шығысында −2°C болады.
- Елдің оңтүстігінде түнде +2…+10°C-қа, күндіз +15…+25°C-қа дейін сәл төмендейді.
- Елдің оңтүстік-шығысында түнде 0…+8°C-қа, таулы аудандарда −2…−7°C-қа дейін төмендейді. Күндіз +12…+22°C-тан +10…+18°C-қа дейін аздап өзгереді.
Қазақстанда 2026 жылғы қыркүйек айы өте жылы, кей күндері тіпті ыстық болып, жауын-шашын аз түскен еді. "Қазгидромет" РМК синоптиктерінің мәліметінше, күздің алғашқы айында ауа температурасы климаттық нормадан 2–4°C-қа жоғары болды.