2026 жылғы 16 қазанда мамандар мынадай тұжырымдарға тоқталды.
1. Аязды ауада жылы ауаға қарағанда су буы әрдайым аз болады.
Нақтылауды қажет ететін ақиқат! Қысым бірдей болғанда, суық ауа жылы ауаға қарағанда су буының аз мөлшерімен-ақ қанығады. Алайда ауадағы нақты ылғал мөлшері ауа райы жағдайларына байланысты.
2. Жел жоғары қысымды аймақтан төмен қысымды аймаққа қарай соғады.
Ақиқат! Жел атмосфералық қысым айырмашылығынан пайда болады. Оның бағыты мен жылдамдығына Жердің айналуы және жер бедерінің ерекшеліктері де әсер етеді.
3. Кемпірқосақ жаңбырдан кейін ғана пайда болады.
Аңыз! Кемпірқосақ пайда болуы үшін күн сәулесі мен ауадағы су тамшылары қажет. Сондықтан жаңбыр жауып тұрғанда күн қатар шықса, кемпірқосақты сол кезде де көруге болады.
4. Қырау мен қар – бір құбылыс.
Аңыз! Қар әдетте бұлттарда түзіліп, жерге жауады. Ал қырау су буының салқындаған беттерде мұз кристалдарына айналуынан пайда болады.
5. Тұман – жер бетіне жақын орналасқан бұлт.
Ақиқат! Тұман ауаның жерге жақын қабатындағы су буы ұсақ су тамшыларына немесе мұз кристалдарына айналғанда түзіледі.
Бұған дейін қазақстандықтарға 2026 жылғы күздің соңғы айында ауа райы қандай тосынсыйлар дайындағаны туралы айтылған еді.