Димаш Құдайбергеннің жақында ғана жазылған ағылшын тіліндегі «Screaming» әніне бейнеклип түсіріліп, ол жақында көрерменге жол тартпақ. Бұл туралы даңқты әнші өз Instagram-парақшасында жазды, деп хабарлайды Sn.kz.
«Бүгін түнгі 00.00-де ағылшын тіліндегі байнебаяным көрерменге жол тартпақ. Бейнебаян көңілдеріңізден шығады деген үміттемін», - дейді ол.
Жаңа әннің композиторы - Muhgal. Ол Versini, Shakira, Rianna сынды мегажұлдыздарға ән жазған.
Айта кетсек, Димаш Құдайбергеннің күні кеше ғана Қытайдың Шенжень қаласында жеке концертін өткізген болатын.
