Қалың көрермен қолпаштайтын қос әншінің бірі Қайрат Нұртаста ұл болса, екіншісі - Төреғали Төрәліде қыз бар. Сахна сыртында да жақсы араласатын екі әнші бір басқосуда бесік құда болуға уағдаласқан, деп хабарлайды Revue бағдарламасы.
Қайрат Нұртастың төрт баласы бар. Соның ішінде қыз айтырып жатқан Ханы - кенжесі.
Ал Төреғали Төерәлінің Тоғжаны - үш қыздың ішінде ортаншысы.
"Қайрат Алматыға ат басын бұрса Төрешке, Төреғали Нұр-Сұлтанған барып жатса, Қайраттың үйіне қонақ болып барады. Сондай кездесулердің бірінде әншілер құда болуға ниет білдірген", - дейді телеарна тілшісі.
"Бәрі Алланың қалауымен ғой. Бір жапырақ та Алланың қалауынсыз түспейді дейді ғой. Сондықтан бәрін болашақта көре жатармыз", - дейді Төреғали.
