Қазақстан Президенті Қасым-Жомарт Тоқаев Бұқаралық ақпарат құралдарының қызметкерлерін кәсіби мерекелерімен құттықтады, деп хабарлайды zakon.kz.
Өз құттықтауында Президент радио қызметкерлері күнін белгілеу туралы ұсыныс жасады.
Қасым-Жомарт Тоқаев ақпарат саласы – қоғамдық пікір қалыптастыратын маңызды сала, "Халықтың көзі, құлағы һәм тілі" ретінде елге адал қызмет ету – әр журналистің абыройлы міндеті екенін атап өтті.
Сондай-ақ Мемлекет басшысы Қазақ радиосының 100 жылдығы аясында 1 қазанды Радио қызметкерлері күні деп ресми түрде бекіткен жөн деп санайтынын жеткізді.
Соңғы кезде радио қызметкерлерінің кәсіби мерекесі жоқ екені жиі айтылып жүр. Мен Қазақ радиосының 100 жылдығы аясында 1 қазанды Радио қызметкерлері күні деп ресми түрде бекіткен жөн деп санаймын, - деді Президент өз құттықтауында.