«Алматы БАЛАFEST» мерекесінде балалар әдебиет, музыка, робототехника, спорт және тағы басқа салалар бойынша өнер көрсетеді, көңіл көтереді. Алматы әкімдігінің хабарлауынша, байқау 5 мамырда басталып, 28 мамырда қорытындыланады.
1 маусым күні фестиваль аясында мерекелік іс-шаралар өтеді. Кішкентай қала тұрғындарын ертегі кейіпкерлері, мультфильмдер мен комикстердің кейіпкерлері қызықтырады. Балалар үшін танымдық ойындар, спорттық жарыстар, шеберлік сыныптары, көрмелер және басқа да көптеген ойын-сауықтар ұйымдастырылмақ.
Мерекелік концерттік бағдарламаға кішкентай жұлдыздар қатысады. Алғаш рет балалар мерекесі үшін арнайы жазылған фестиваль әнұраны шырқалғалы тұр.