Бауыржан Жансейітов Facebook-тегі парақшасында тойда түсірілген суреттер мен видеоны жариялады.
Біз құдандалы болдық. Біздің Айшабибі мен Иманбек дүркіретіп үйлену тойын өткізді!, делінген желіде жарияланған суреттер мен видеоның сипаттамасында.
Музыканттың өзі әлеуметтік желідегі парақшаларында үйлену тойы туралы ләм-мим деп жақ ашпаған.
Дегенмен осыған дейінгі бір сұқбатында Иманбек Айби деген қызбен жүріп жүргенін, оған бір жарым жыл болғанын айтқан еді. Шетелден жүлде алып, Иманбектің жұлдызы жанғанда да алғашқы болып сүйіктісі құттықтаған болатын.
Иманбек - Қазақстандағы және ТМД-дағы Grammy сыйлығының жалғыз иегері.