18 қыркүйекте Нью-Йорк тұрғындары TSX ауқымды билбордында Димаш Құдайбергенді алтыншы рет тамашалау мүмкіндігіне ие болды. Кезекті видео Нью-Йорктегі Таймс-сквердің ең үлкен және танымал LED экрандарының бірінен көрсетілді. Кезекті шоуды артистің бразилиялық жанкүйерлері – Dimash Brasil фан-клубы ұйымдастырған. Бұл туралы Dimashnews.com жазды.
"Димаш Құдайберген TSX Entertainment экранынан кезекті рет көрінді. Тіпті жауған жаңбыр да оның жарқын бейнесіне көлеңке түсіре алмады. Бразилиялық жанкүйерлерге көп рақмет!", - деп бөлісті көрсетілім ұйымдастырушылары Instagram-дағы парақшасында.