Нұрлан Қоянбаев Instagram-да КВН жүргізушісімен мұрағаттық фотосурет жариялады, оның астында: "Александр Васильевич Масляков! Аңыз адам! Қош болыңыз!", деп жазды.
Сондай-ақ, Тұрсынбек Қабатовта мұрағаттық суретпен бөлісті. Жазбада Масляковқа ерекше алғысын білдірді.
"Барлығы үшін рахмет, Александр Васильевич: ойын үшін, жастық шақ үшін, отбасы үшін, достар үшін, әзіл үшін, мүмкіндіктер үшін", – деп жазды Тұрсынбек.
Масляковқа арналған жазба астында оқырмандар да қайғыра көңіл айтты:
- Талай азаматтар мен азаматшалардың өсуіне себеп болған тұлға.Арты жақсылық болсын.
- Жақсылардың қатарынан болсын!
- Қаншама дарынды жастарға әзіл әлеміне жолдама берген еді. Қош бол...
- Талай жастардын өмірге бағын ашқан ұстаз адам...
- Балалық шағымыздан тек көңілді кісі ретінде жадымызда қалған, қош!
Бұған дейін 8 қыркүйекте 82 жасында Ресейдің танымал тележүргізушісі және еңбек сіңірген өнер қайраткері Александр Масляковтың қайтыс болғаны хабарланған болатын.
