КВН-нің негізін қалаған аңыз адам Александр Масляков қайтыс болды

Сурет: wikipedia.org

8 қыркүйекте 82 жасында Ресейдің танымал тележүргізушісі және еңбек сіңірген өнер қайраткері Александр Масляков қайтыс болды, деп хабарлайды Zakon.kz.

Бұл туралы Халықаралық КВН одағының өкілдері Instagram парақшасында мәлімдеді.

"2024 жылдың 8 қыркүйегінде Александр Васильевич Масляковтың қайтыс болғанын өкінішпен хабарлаймыз.. Ол КВН-нің барлық қатысушылары мен миллиондаған көрермендер үшін мәңгілік аңыз болып қала береді. 1964 жылдан бастап ол "КВН" бағдарламасын жүргізіп, Ресейде және одан тыс жерлерде әзіл мен сатираның символына айналды", – делінген хабарламада.

Посмотреть эту публикацию в Instagram

Публикация от КВН (@kvnofficial)

Александр Васильевич көптеген марапаттарға ие болды, "Отанға сіңірген еңбегі үшін" орденінің иегері және "AMiK" шығармашылық бірлестігінің негізін қалаушы болды.

"Оның отандық ойын-сауық бағдарламаларының дамуына қосқан үлесін бағалау мүмкін емес. Александр Васильевич Масляков мәңгілік аңыз", — деп түйіндеді тележүргізушінің әріптестері.

Тележүргізушінің ұзақ уақыт бойы өкпенің қатерлі ісігі диагнозымен күрескені белгілі болды.

Оқи отырыңыз