Қоянбаев пен Қабатов Масляковтың қайтыс болуына байланысты көңіл айтты

8 қыркүйекте Ресейдің танымал тележүргізушісі және еңбек сіңірген өнер қайраткері Александр Масляковтың қайтыс болғаны туралы жаңалық жұртшылықтың көңіліне қаяу салды. Бұл ретте КВН-нің бұрынғы қатысушылары, қазақстандық шоумен Қоянбаев пен Қабатов өнер адамының жақындарына көңіл айтты.

Нұрлан Қоянбаев Instagram-да КВН жүргізушісімен мұрағаттық фотосурет жариялады, оның астында: "Александр Васильевич Масляков! Аңыз адам! Қош болыңыз!", деп жазды.

Посмотреть эту публикацию в Instagram

Публикация от Nurlan Koyanbayev 🇰🇿 (@koyanbayevnurlan)

Сондай-ақ, Тұрсынбек Қабатовта мұрағаттық суретпен бөлісті. Жазбада Масляковқа ерекше алғысын білдірді.

Публикация от Tursynbek Kabatov (@tursynbek_kabatov_resmi)

"Барлығы үшін рахмет, Александр Васильевич: ойын үшін, жастық шақ үшін, отбасы үшін, достар үшін, әзіл үшін, мүмкіндіктер үшін", – деп жазды Тұрсынбек.

Масляковқа арналған жазба астында оқырмандар да қайғыра көңіл айтты:

• Талай азаматтар мен азаматшалардың өсуіне себеп болған тұлға.Арты жақсылық болсын.
• Жақсылардың қатарынан болсын!
• Қаншама дарынды жастарға әзіл әлеміне жолдама берген еді. Қош бол...
• Талай жастардын өмірге бағын ашқан ұстаз адам...
• Балалық шағымыздан тек көңілді кісі ретінде жадымызда қалған, қош!

Бұған дейін 8 қыркүйекте 82 жасында Ресейдің танымал тележүргізушісі және еңбек сіңірген өнер қайраткері Александр Масляковтың қайтыс болғаны хабарланған болатын.