Осылайша, "Астана Арена" әкімшілігі "Shaman" концерті туралы әлеуметтік желіде тараған ақпараттың жалған екенін мәлімдеді.
"Интернетте ресейлік әнші Shamanның "Астана Арена" стадионындағы концерті туралы жалған ақпарат таралуда. MTEX Management ЖШС басқарушы компаниясы бұл ақпаратты ресми түрде жоққа шығарады және бұл хабарламаны таратуды сұрайды", – делінген стадионның Instagram желісінде бүгін, 18 сәуірде жарияланған ақпаратында.
Сондай-ақ, ЖШС нысандарының аумағында өткізілетін барлық іс-шаралар туралы ақпарат әлеуметтік желілердегі ресми парақшаларда және серіктестік сайтында жарияланатыны атап өтілді.
Дженнифер Лопестің Up All Night әлемдік турнесінің аясында Қазақстанда алғаш рет өнер көрсететіні бұған дейін хабарланған болатын. Концерт 2025 жылдың 1 тамызында "Астана Аренада" өтеді.