Ең қызығы, бұрын теміржолда сигнал беруші болып жұмыс істеген ол Қазақстаннан шыққан алғашқы музыкант болып, "Грэмми" сыйлығын алған. Сондай-ақ, ол ТМД және бұрынғы КСРО елдерінен шыққан неклассикалық музыка саласында "Грэмми" алған алғашқы музыкант атанды.
Бес жылдың ішінде ән YouTube-та 367 миллионнан астам қаралым жинаған.
Бүгін, 2025 жылғы 18 қыркүйекте, Қазақстандық музыкант екінші рет "Грэммиге" номинацияланғаны белгілі болды.
Зейкеновтің Taichu әншісімен бірге орындаған композициясы "Best Latin Electronic Music Performance" номинациясында сыйлыққа таласады. Сыйлық салтанаты 13 қарашада Лас-Вегастағы MGM Grand Garden Arena-да өтеді.
Көптеген комментаторлар жазбаға жүрек пен от эмодзилерін қалдырып, әлемнің түкпір-түкпірінен келген жанкүйерлер музыкантты қуана құттықтауда:
- Құттықтаймыз, сен бұлқа лайықсың.
- Әдеттегідей – керемет!
- Өте тамаша.
- Сен – ең үздік, – деп әртүрлі тілде жазып жатыр фанаттар.
Зейкенов шетелдік жұлдыздар Usher, Wiz Khalifa, David Guetta және Rita Ora сияқты өнерпаздармен жұмыс істеуге үлгерген.
2022 жылы музыкант үйленгені белгілі болды. Алайда өзінің жеке өмірі туралы ол көп мәлімет бермейді.